O venres 4 de novembro, 3º Photocall #TeñoMonte na Praza Roxa
Non hai 2 sen 3! Este venres 4 de novembro plantaremos (nunca mellor dito) o xa coñecido Photocall da campaña #TeñoMonte na Praza Roxa. Entre as 17:00 e as 20:00 aproveita a última oportunidade de amosar ao mundo o nome do teu monte… e tamén, claro, de participar no sorteo do fantástico premio que xa coñecedes:
1 noite para 2 personas nunha cabana entre as pólas das árbores. Concretamente, nas Cabanas do Barranco ou Cabañitas del Bosque, na Serra de Outes.
E tedes que saber que é a derradeira oportunidade, xa que este é o último evento na rúa da campaña Teño Monte! E de feito, ás 20h resolveremos o sorteo dende alí, en riguroso directo. Se o voso nome está na urna pero non podedes vir físicamente, teredes outra forma de enterarvos: retransmitiremos o momento en directo pola nosa páxina de Facebook.
Así que xa sabedes: facede un oco na tarde do venres para vir ata o corazón da zona nova de Santiago de Compostela. Agardámosvos cos encerados preparados para recoller os nomes dos vosos montes e cos solicitadísimos carballiños de Plantamus que xa repartimos nos anteriores eventos.
A mellor forma de non perder detalle é seguirnos nesta rede, xa que iremos informando puntualmente de todo o relacionado con este evento tan especial!
Un saúdo e ata o venres! 😉
