Rematan os eventos na rúa da campaña Teño Monte

O pasado venres 4 de novembro montamos o noso Photocall por terceira vez dende que comezamos a campaña Teño Monte. Iso si: esta foi a derradeira! Aínda que non as tiñamos todas con nós e estivemos toda a tarde cun ollo posto no ceo, a sorte acompañounos e permitiu tamén que a veciñanza da Zona Nova de Compostela viñera a coñecernos, a falar con nós e a participar cos nomes dos seus montes. Leer más

photocall teño monte

O venres 4 de novembro, 3º Photocall #TeñoMonte na Praza Roxa

Non hai 2 sen 3! Este venres 4 de novembro plantaremos (nunca mellor dito) o xa coñecido Photocall da campaña #TeñoMonte na Praza Roxa. Entre as 17:00 e as 20:00 aproveita a última oportunidade de amosar ao mundo o nome do teu monte… e tamén, claro, de participar no sorteo do fantástico premio que xa coñecedes:

1 noite para 2 personas nunha cabana entre as pólas das árbores. Concretamente, nas Cabanas do Barranco ou Cabañitas del Bosque, na Serra de Outes.

Leer más

teño monte toural

Unha tarde inmellorable no Toural co 2º Photocall #TeñoMonte

O venres volviamos ás rúas de Compostela co 2º Photocall da campaña Teño Monte. Non puidemos ter máis sorte co tempo! Unha tarde soleada e unha noite suave que fixo que moita xente saíra de paseo pola Zona Vella… e estando na Praza do Toural, era imposible non vernos 😉

Leer más

campaña teño monte

#TeñoMonte volve á rúa! 2º Photocall, venres 21 na Praza do Toural

Despois da estupenda acollida da primeira acción de rúa da campaña #TeñoMonte, este venres volvemos con máis ganas e máis agasallos!

Se non puideches vir ao primeiro Photocall, esta é a túa oportunidade: o 21 de outubro estaremos na Praza do Toural entre as 17:00 e as 20:00h.

Leer más

plaza abastos teño monte

Montes de sorrisos na Praza de Abastos co photocall de #TeñoMonte

Este sábado comezaba a campaña #TeñoMonte coa primeira das accións na rúa: o photocall no Mercado de Abastos de Santiago.

E a verdade é que foi todo un éxito! Xente de tódalas idades achegouse a preguntarnos ‘de quen viñamos sendo’ e, unha vez que llo explicamos, recebimos moi boas impresións tanto de propietarios como de non propietarios. Ata algún turista preguntou polos carballos de Plantamus Vivero Galicia... que por certo, repartimos todos os que tiñamos! Agardamos que os teñades xa plantados na terra do voso monte, onde corresponden!

Leer más

campaña #TeñoMonte

A campaña #TeñoMonte arranca o sábado na Praza de Abastos de Santiago

Chegou o día… chegou a romaría! Despois de moito traballo, por fin podemos contarvos todos os detalles da campaña #TeñoMonte!

Como sabedes, o obxectivo desta campaña, que resultou premiada no Concurso de Proxectos de Publicidade Comercial en Galego que organiza o Concello de Santiago de Compostela, é por unha banda recuperar a microtoponimia do monte galego, con axuda das persoas propietarias e da propia veciñanza de Compostela, e pola outra, dar a coñecer a plataforma eMonte.es

Leer más